رولێ پرۆژێن بچویک و ناڤنچى بۆ هاندانا گەشەپێدانا ئابوورى وجڤاکى ل هەرێما کوردستانێ

♦ نژدار سعدالله خالد - زانکویا دهۆک

2013-03-29

پروژێن بچویک و ناڤنچى ژ پێنگاڤێن ئابوورى یێن سەرکەفتى نە ژ بۆ گەشەپێدانا ئابوورێ وچڤاکى یا دەم درێژ، ئەڤ پرۆژە هاندەرن ژ بۆ بنبرکرنا بێ کاریێ و هەژاریێ، چونکە ب رێکا پرۆژێن بچویک و ناڤنچى پرانیا وەلاتێن باشوورێ رۆژهەلاتا ئاسیا گەشەپێدانا ئابوورى و چڤاکى و سیاسى ب دەستخوڤە ئینایە، گرنگیا هەبوونا ڤان جورە پرۆژان دز ڤریتە ڤە بۆ چەندین خالان: 1. وەکو من ئاماژە پێ داى پرۆژێن بچویک و ناڤنچى هاندەرن بۆ بنبرکرنا بێ کاریێ و هەژاریێ و برسێ ب شێوەکێ مەزن و بەرچاڤ جونکە ئەڤ پروژە دى بنەهاندەر بۆ دروستکرنا دەرفەتێن نویە یین کارى وبلندکرنا ئاستێ داهاتێ کەسان. 2. پرۆژێن بچویک و ناڤنچى رێ خوشکەرن بۆ دروست بوونا هزر و بیرێن ئابوورى یێن نوى وەک دروست بونا پروژێن بەرهەم ئینانێ یین نوى. 3. ئەڤ جورە پرۆژە دبنە هاندەر ژ بۆ زێدەبوونا بەرهەمێ نافخۆ و گەشەکرنا بازرگانیێ و بلند بوونا رێژا وەبەرهێنانێ، دیسان ئەڤ جورە پروژە دبنە ریێ خوشکەر ژ بۆ کارکرنا ئافرەتان و پێشئێخستنا رۆلێ وێ د ئابوورى دا، هەروەسا هەبوونا ڤان پرۆژان هاندەرن بۆ ئێمناهیا سیاسى و چڤاکى و چەسپاندنا دادپەروەریا چڤاکى دیسان دبنە هاندەر بۆ کێم کرنا فشارێن وەلاتیان ل سەر حکوومەتێ ژ بۆ دامەزراندنێ و دیتنا دەلیڤێن کارى، یانکو دى فشار لسەر بودجا کشتى کێم بیت. هەرەوەسا ب رێکا ڤان جورە پروژا رولێ ئابوورى و یێ جڤاکى یێ ئافرەتى پتر بەرزدبیت، جونکە ئافرەت دێ شێت بەژداریى کەت دپروسەسا ئابوورى دا بشیوەکى ئەکتیف هەروەسا دێ یا سەربەست بیت ژبو وەرگرتنا بریارێن گرێدایا ب ژیانا وێڤە یا ئابوورى وجڤاکى، و ئەف خالە بدیتنامن دى بیت هاندەر بۆ کیم کرنا ئاریشێن خێزانى دنافبەرا ئافرەت و زەلاماندا، جونکە برانیا ڤەکولینێت جڤاکى و ئابوورى وەسا دیاردکەن کۆ هندى ئافرەت یا ئازاد بیت دبوارێ ئابوورى دا دێ پتر شیت برایارێت دروست وەرگریت بتایبەت دبوارێ ژیانا خیزانى دا ورێڤەبرنا ژیانا خۆ و ژیانا زاروکیت خۆ، هەروەسا ئەڤ خالە دى بیتە هاندەر بۆ کێم بۆنا بێکاریێ دناڤ ئافرەتا دا، وچەسپاندنا ئێمناهیا جڤاکى وخێزانى. لەورا ژ بۆ گەشەکرنا ئابوورێ هەرێما کوردستانێ ب شێوەکێ زانستى و دەم درێژ هەرێما کوردستانێ پێدڤى ب پلانەکا ئیستراتیژى هەیە بۆ رێکخستنا ڤان جورە پرۆژان هەر چەندە سیستەمێ پرۆژێن بچویک و ناڤنچى ل کوردستانێ هەتا رادەکى هاتیە دروست کرن بەلێ جهێ داخێ یە هەتا نوکە ئەڤێ پێنگاڤێ چ رول نەدیتیە ژ بۆ گەشەپێدانا ئابوورى ل هەرێمێ ئەو ژى ب دیتنا من د زڤریتە ڤە بۆ چەند ئەگەران ژ وان : نەبوونا پلانەکا ئابوورى یا رێکخستى بۆ ڤان پرۆژان ژ بۆ گەشەپێدانا پێشئێخستنا رولێ وان د ئابوورێ هەرێمێ دا، دیسان روتینیا کارگێرى و نە بوونا ئاسانکریان بۆ کەسێن داخوازا ڤان پرۆژان د کەن کو ئەڤ خالە رێکرە بۆ دروست کرنا ڤان پرۆژان، هەروەسا کۆژمێ پارێ دهێتە دان بۆ ڤان پرۆژان نە یێ گونجایە و ناهێتە دان ب شێوەکێ رێکخستى کۆ ببیتە هاندەر بۆ کەشەکرنا پرۆژان و ئابوورى. ژبەر رولێ گرنگ یێ ڤان پرۆژان د ئابوورى دا، لەورا ل سەر حکوومەتا هەرێمێ ئەوە وەکو من ئاماژە پێ داى کو کار بکەت ژ بۆ دانانا پلانەکا ئیستراتیژى و دوم درێژ ئەوژى ب رێکا دامەزراندنا سەنتەرەکى بۆ رێکخستن و پلانکرنا ڤان جورە پرۆژان ب شێوەکێ زانستى و ئابوورى یێ پێشکەفتى، هەروسا کارێ ڤى سەنتەرى دێ بیتە کارەکێ کاریگەر ژ بۆ پێشکێشکرنا هاریکاریێن دارایى و کارگێرى و ژمێریارى و تەکنیکى ژ بۆ سەرئێخستنا ڤى سیستەمى ل هەرێمێ، دیسان یاگرنگە رێژەکا بلند یا بودجا هەرێما کوردستانێ بۆ ڤى بوارى بچیت ، ل ڤێرە ل سەر دام و دەزگەهێن حکوومى ئەوە روتینا کارگێرى بەرامبەر کاروبارێن ڤان جورە پرۆژان کێم ب کەت و پتر ئاسانکاریا بۆ خودانێن وان پێشکێش بکەت، ئەڤ ئاسانکاریە دێ بنە هاندەر ژ بۆ زێدەکرنا رێژا ڤان پرۆژان د ئابوورێ کوردستانێ دا، و دێ پرانیا گەنج و دەرچووێن زانکۆ و پەیمانگەهان ل هەرێمێ ژ بێ کاریێ و هەژاریێ رزگار کەت هەروەسا دێ فەشارێن دامەزراندنێ ل سەر حکوومەتێ کێم کەت، دێ رولێ کەرتێ تایبەت د ئابوورى دا پێشکەڤیت و ئەڤ خالە ژى هاندەرە بۆ چەسپاندنا ئازادیا ئابوورى ل هەرێمێ، هەروەسا دێ بیتە هاندەر بۆ دروست کرنا بنەمایێن نوو یێن بەرهەمئینانێ ل کوردستانێ، ژبەرکو هەرێم وەکو یا دیار یا پالپشتە ل سەر کەل و پەلێن وەلاتێن بیانى ب شێوەکێ ئێکسەر، کەواتە هەرێم یا بوویە ناوچەکا بەکاربەرا وەلاتێن بیانى جهێ داخێ کو هەمى کەرستێن مە ژ دەرڤەیێ هەرێمێ دهێت ، لەورا هەبوونا پرۆژێن بچویک و ناڤنچى دبنە هاندەر کو هەرێم پشتەڤانیا بەرهەمێ نافخۆ بکەت، ل دووماهیێ وەسا دیار دبیت کو هەرێما کوردستانێ پێدڤى یە سیستەمێ پرۆژێن بچویک و ناڤنچى هەیە ژ بۆ گەشەپێدانا ئابوورى و چڤاکى یا دوم درێژ.

 

بیروڕا

Bad Behavior has blocked 808 access attempts in the last 7 days.